Қазақстан шахматшылары әлемдік додада екі алтын медаль иеленді

Испанияның Линарес қаласында өткен 2025 жылғы әйелдер командалық шахмат чемпионаты қазақстандық спортшылар үшін табысты аяқталды. Жеке есепте Қазақстан құрамасының өкілдері екі бірдей алтын медаль иеленді.

Турнир бірқатар сенсациялық нәтижелермен есте қалды. FIDE командасы бірде-бір матчта жеңілмей, әлем чемпионы атанды. Азербайжан құрамасы тарихи күміс медальға қол жеткізсе, Қытай «қоланы» иеленді — олар үшінші орын үшін матчта Қазақстанды тізе бүктірді.

Финалда FIDE құрамасы (Ресей спортшылары) Азербайжанды 5,5:2,5 есебімен жеңді. Қола медаль үшін өткен тартысты қарсыластар сериясында Қытай Қазақстанды екі ойында да 2,5:1,5 есебімен ұтты (жалпы есеп — 5:3).

Қазақстан құрамасы турнирді қиын жағдайда өткізді — команда көшбасшысы, халықаралық гроссмейстер Бибисара Асаубаева сырқаттанды. Соған қарамастан, біздің спортшы қыздар жеке есепте жоғары нәтиже көрсетті.

Екі қазақстандық шахматшы алтын медаль иеленді:

• Меруерт Камалиденова — екінші тақтада ең үздік нәтиже көрсетті;

• Эльназ Қалиахмет — алтынды алтыншы тақтада жеңіп алды.

Сонымен қатар Зарина Нұрғалиева (2310) бесінші тақтада қола медаль еншіледі.

FIDE сарапшылары Қазақстан құрамасының ойыны мен әлеуетін жоғары бағалап, Линарестегі тәжірибе алдағы ірі турнирлерде жаңа мүмкіндіктер ашатынын атап өтті.

Біздің серіктес: 200 000 фрибетті ұтысқа саламыз – арнаға жазыл және батырманы бас