10 сағат бұрын
Волейбол: «Жетісу» Азия Чемпиондар лигасының финалына шықты
Азамат Бақи
Фото: «Жетісу» ВК
Қазақстандық «Жетісу» әйелдер волейбол клубы Филиппиннің Пасиг қаласында өтіп жатқан Азия чемпионатының финалына жолдама алды, деп хабарлайды Sport12.kz.
Отандық ұжым жартылай финалда Таиланд елінің «Накхонратчасима» командасын тізе бүктірді.
Үш сетке созылған матчта ел чемпиондары 3:0 (25:20, 25:21, 25:21) есебімен жеңіске жетті.
Енді отандастарымыз сары құрлық додасының финалында «Бэйцзин» (Қытай) – «Бинг Дьен Лонг» (Вьетнам) матчының жеңімпазымен чемпионды анықтайды.
Сондай-ақ талдықорғандықтар ақтық кезеңге іркілмей өткені үшін Клубтар арасындағы Әлем чемпионатының жолдамасына ие болды.
