Волейбол: «Ақтөбе» Азия Чемпиондар лигасының ширек финалында сүрінді

Қазақстандық «Ақтөбе» волейбол клубы Жапонияда өтіп жатқан Азия Чемпиондар лигасындағы жорығын аяқтады, деп хабарлайды Sport12.kz.

Ширек финалда отандық ұжым қатарлық «Әл-Райянға» жол берді. Төрт сетке созылған матчта жерлестеріміз 1:3 (20:25, 18:25, 25:23, 20:25) есебімен жеңіліс тапты.

Енді «Әл-Райян» жартылай финалда «Сантори Санбёрдз» (Жапония) пен «Әл-Мухаррак» (Бахрейн) арасында өтетін матчының жеңімпазымен кездеседі.

Айта кетейік, «Ақтөбе» топтық кезеңде алдымен аустралиялық «Квинслендті» 3:0 есебімен ұтса, кейін жарыс қожайыны «Сантори Санбёрдзке» 0:3 есебімен есе жіберіп, топтан екінші орынмен шыққан болатын.