Арина Соболенко: «Матчымды қайта қарай алмаймын, ұят»

Беларусь теннисшісі, төрт дүркін «Үлкен дулыға» жеңімпазы Арина Соболенко WTA-2025 Итогтық турнирінің финалында Қазақстан теннисшісі Елена Рыбакинаға 3:6, 6:7 есебімен ұтылғаннан кейін ойындарын қайта қараудан қашатынын айтты.

«Өзімді кортта көргенді ұнатпаймын, әлі күнге дейін оған үйрене алмай жүрмін. Ойын барысында өз эмоцияларымды байқамаймын, тек жұмыс істеймін және жеңу үшін не істеу керегін білемін. Ал кейін өзімнің сөздеріме, көзқарастарыма қарап, тыңдау мүмкін емес — ұят болады. Тіпті тыныс алуымды да тыңдай алмаймын, «дыбысын өшірсең» деп күлемін», — деді теннисші.

Сондай-ақ Соболенко команданың арнайы статистикалық талдау арқылы ойынды толық қарап, бағалайтынын, ал өзі бәрін есте сақтап, қайта қараудың қажеті жоқ екенін атап өтті.

Біздің серіктес: 200 000 фрибетті ұтысқа саламыз – арнаға жазыл және батырманы бас