Қазақстандық теннисшілер WTA рейтингіндегі орындарын жаңартты

Қазақстанның бірінші ракеткасы Елена Рыбакина маусымды WTA рейтингінің бесінші сатысында аяқтады. Бұл нәтижеге ол маусымдық WTA турниріндегі сенімді жеңісінен кейін қол жеткізді.

Юлия Путинцева рейтингте 73-орынды сақтап тұр. Зарина Дияс төрт сатыға жоғары көтеріліп, 297-орынға орналасты. Жібек Құламбаева қазіргі таңда 332-орында.

Жұптық разрядта үздік қазақстандық теннисші мәртебесі Анна Данилинаға тиесілі — ол WTA рейтингінде 15-ші орынға жайғасқан.

Әйелдер теннисіндегі әлемдік рейтингтің көшін Беларусь өкілі Арина Соболенко бастап тұр. Екінші орында — польшалық Ига Швёнтек, ал үшінші сатыда америкалық Коко Гауфф орналасқан.

Біздің серіктес: 200 000 фрибетті ұтысқа саламыз – арнаға жазыл және батырманы бас