Қазақстанның бірінші ракеткасы WTL алаңына қайта оралады

Қазақстандық теннисші Елена Рыбакина (WTA рейтингінде 5-орын) 17–20 желтоқсан аралығында Үндістанның Бангалор қаласында өтетін World Tennis League көрме турнирінде бақ сынайды.

Турнир ұйымдастырушылары бірқатар танымал спортшылардың қатысатынын растады. Олардың қатарында испаниялық Паула Бадоса (WTA – 25), украиналық Марта Костюк (26) және Польшадан Магда Линетт (55) бар. Сонымен қатар үндістандық теннисшілер де кортқа шығады.

Бұл турнир Рыбакина үшін маусымдағы тағы бір маңызды шара болмақ. Айта кетейік, Елена жақында Эр-Риядта өткен 2025 жылғы WTA Финал турнирінің чемпионы атанды. Бұған қоса маусым ішінде Страсбург пен Нинбодағы жарыстарда да топ жарған еді.

Біздің серіктес: 200 000 фрибетті ұтысқа саламыз – арнаға жазыл және батырманы бас