Жібек Құламбаева Германиядағы турнирді жеңіспен бастады

Қазақстандық теннисші Жібек Құламбаева Германияның Висбаден қаласында өтіп жатқан ITF W100 турнирінің екінші айналымына шықты, деп хабарлайды Sport12.kz.

Жұптық сында аустриялық Дарья Семенистаямен бірге бақ сынаған Жібек жарыстың 1/16 финалында ұлыбританиялық теннисшілерден құралған Джоди Беррейдж/Эден Сильва тандемін тізе бүктірді.

Кездесу 1 сағат 58 минутқа созылды. Нәтижесінде отандасымыз бастаған ұжым қарсыласынан 2:1 (7:6; 6:7; 10:8) есебімен басым түсті.

Енді Жібек пен Дарья ширек финалда Ульрикке Эйкери (Норвегия)/Эри Ходзуми (Жапония) – Сапфо Саккелариди (Грекия)/Лиан Тран (Нидерланд) матчының жеңімпазымен кездеседі.