Төрешілер департаменті ҚПЛ 6-турындағы күмәнді эпизодтарға түсіндірме жасады

Қазақстан футбол федерациясының төрешілік және қадағалау департаменті Премьер-лиганың 6-турындағы жекелеген ойын сәттеріне қатысты түсіндірме жасады, деп хабарлайды Sport12.kz.

«Қызылжар» 2:1 «Қайсар»

20-минут – Қонақтар командасының айып алаңында қорғаушы №5 пен шабуылшы №14 иықпен-иыққа күресті. Доп ойнауға болатын қашықтықта болды, және тартыстың қарқыны қалыпты деңгейде өтті. Эпизодтың артында орналасқан және жақсы көру бұрышы бар төреші дұрыс шешім қабылдап, ойынды жалғастырды, өйткені ереже бұзылған жоқ.

Шешім: Дұрыс шешім — ойынды жалғастыру.

VAR: Дұрыс шешім — VAR араласуы қажет емес.

«Қайрат» 2:1 «Тобыл»

42-минут – Қонақтар командасының айып алаңында шабуылшы №23 жерде жатып, допты аяғымен ойнай алды. Қорғаушы №15 допқа жетуге ұмтылды, бірақ кешігіп, қарсылас ойыншының аяғының үстіңгі жағына (білезік тұсына) шиптарымен басып, абайсыздықпен фол жасады (жоғары қарқынсыз). Доп ойнап қойылған еді, ал төреші келесі фазаны бақылап тұрды.

Шешім: 11 метрлік айып добын (пенальти) белгілеу және абайсыздықпен жасалған фол үшін сары қағаз көрсету керек еді.

VAR: Егер пенальти белгіленбесе, VAR араласуы тиіс болатын.

«Ордабасы» 1:0 «Тұран»

63-минут – Әуеден түскен доп үшін күрес кезінде үй командасының ойыншысы №17 мен қонақтар командасының ойыншысы №8 допқа таласты. Үй командасының ойыншысы аяғын тік созып, қарсыласының іш тұсына шиптарымен тиіп, белгілі бір қарқынмен қарсыласының қауіпсіздігіне айқын қауіп төндірді.

Шешім: Штрафтық соққы белгілеу және ойыншыны тікелей қызыл карточкамен алаңнан шығару керек еді.

VAR: Дұрыс шешім — VAR араласуы орынды болды.

Біздің серіктес: Sport12kz