10.06.2025
Азия чемпионатының жүлдегері Нидерландтағы турнирде бақ сынады
Азамат Бақи
Фото: Ұлттық олимпиадалық комитет
Қазақстандық жеңіл атлет Елизавета Матвеева Нидерландтың Хенгело қаласында өткен халықаралық FBK Games турниріне қатысты, деп хабарлайды Sport12.kz.
Биіктікке секіру сайысында ел намысын қорғаған отандасымыз алтыншы орыннан көрінді. Елизавета өзінің үздік көрсеткішінде 180 сантиметрді бағындырды.
Жарыс нәтижесінде аустралиялық Николай Олислагерс (197 см) чемпион атанды. Күміс жүлде ямайкалық Ламара Дистиншн (190 см) бұйырды. Үздік үштікті швециялық Энгла Нильсон (185 см) түйіндеді.
Айта кетейік, жақында Оңтүстік Кореяның Гуми қаласында өткен Азия чемпионатында Елизавета Матвеева күміс жүлдегер атанған болатын.
