Қазақстандық жеңіл атлет әлем чемпионатының финалына шықты

Қазақстандық жеңіл атлет Анна Черкашина АҚШ-тың Орегон штатында өтіп жатқан 20 жасқа дейінгі жастар арасындағы әлем чемпионатында ел рекордын жаңартып, турнирдің финалына жолдама алды.

Сырықпен секіруден өткен іріктеу кезеңінде қазақстандық спортшы 4,10 метр биіктікті бағындырды. Бұл нәтиже оған әлем чемпионатының финалына шығуға мүмкіндік беріп қана қоймай, 20 жасқа дейінгі спортшылар арасындағы Қазақстанның жаңа рекорды ретінде тіркелді.

Шешуші кезеңде іріктеу қорытындысы бойынша үздік 13 спортшы бақ сынайды.

Айта кетейік, сырықпен секіруден әлем чемпионатының финалы 8 тамызда өтеді.

Біздің серіктес: Sport12kz