Абылайхан Жүсіпов: Нидерландтағы турнирде өзбек боксшысымен шығуға тура келді

Бокстан ұлттық құраманың көшбасшысы Абылайхан Жүсіпов қабағының жарылуына байланысты пікір білдірді деп хабарлайды Sport12.kz

• Астанадағы Әлем кубогының алдында Ақмола облысында оқу-жаттығу жиынын өткіздік. Негізгі жоспарымыз - Әлем кубогы еді. Ал Нидерландтағы жарыс тәжірибе ретінде болды. 2 жекпе-жек өткізіп, дайындығымды шыңдау мақсатында бардым. Алайда жарыстың деңгейі жоғары болып, бірқатар мықты спортшылар келді. 4 айқас өткіздім. Финалға дейін ешқандай жарақатым болған жоқ. Егер финалда Асахуджа Муйдинхуджаевпен шықпағанда жанкүйерлер дұрыс түсінбеуші еді, - деді Абылайхан Жүсіпов.

Боксшы жарыс барысында қарсыластардың атақ-даңқына назар аудармайтындығын да айтты.

• Қарсыластың атағына қарап, сескенетін жастан өттік қой. Мен де 2 Олимпиада, бірнеше рет Әлем чемпионатын көрдім. Иә, Асахуджа Муйдиндужаев - Олимпиада чемпионы, әлем чемпионы. Талантты боксшы. Жекпе-жекке шықпай тұрып, бұған дейінгі жарыстағы айқастарын зерттедім, - деп Абылайхан жауап берді.

Біздің серіктес: Sport12kz