Бокстан әйелдер құрамасы Бразилияда дайындалып жатыр

Бокстан Қазақстан әйелдер құрамасы Бразилияның Фос-ду-Игуасу қаласында халықаралық оқу-жаттығу жиынын өткізіп жатыр, деп хабарлайды Sport12.kz

8-20 сәуір аралығындағы дайындыққа Қазақстаннан бөлек, Түркия, Англия, Ирландия, Венесуэла, АҚШ, Бразилия елдері өзара тәжірибе алмасуда.

Ал 20-26 сәуір аралығында боксшылар дәл осы қаладағы World Boxing әлем кубогының алғашқы кезеңіне қатысады.

Қазақстан әйелдер командасының сапында Алуа Балқыбекова, Назым Қызайбай, Виктория Графеева, Аида Әбікеева, Наталья Богданова, Жібек Жарасқызы және Валерия Аксенова бар.

Құрамаға аға жаттықтырушы Марат Қырықбаев жауапты.

Біздің серіктес: Olimpbet қосымшасын пайдалан