World Boxing ұйымы Мұхаммедсабыр Базарбайұлының жекпе-жегіне қатысты шешім шығарды

Бразилиядағы Әлем кубогі бірінші кезеңінің 1/8 финалы аясында өткен Мұхаммедсабыр Базарбайұлы мен Хуго Грау (Франция) жекпе жегінің нәтижесі бойынша Қазақстан бокс федерациясы World Boxing ұйымына хат жолдаған болатын, деп хабарлайды Sport12.kz

Спорт бөлімінен келесі жауап келді:

“Күнделікті R&J (Төрешілер мен қазылар) бағалау жиынында осы жекпе жекті қайта қарағаннан кейін келесі шаралар қабылданды.

№175 жекпе жек. Хуго Грау (FRA) - Мұхаммедсабыр Базарбайұлы (KAZ)

24 сәуір R&J барлық 8 сарапшысы жекпе жекті қайта қарап шықты. Сарапшылардың көпшілігі 2 және 3 раундтарды Қазақстан пайдасына 9-10 «айқын басымдық» деп таныды. Бұл дегеніміз, сарапшылардың пікірінше, бұл екі раунд үшін жалғыз қолайлы ұпай - 9-10.

Осы тексерістің нәтижесінде, жеңісті Франция боксшысына берген 3 төрешіге өз жұмыстары үшін санкция (жаза) қолданылды.

Сонымен қатар, осы 3 төрешінің екеуі жарыстан шеттетілді және осы турнир аясында төрелік ету құқығынан айырылды”.

Виктория Графеева әлем кубогының жартылай финалына жолдама алды

Біздің серіктес: Olimpbet қосымшасын пайдалан