Темировтың келесі қарсыласы анықталды

Қазақстандық боксшы Виктор Темиров өзінің келесі жекпе-жегін өткізетін күнін жариялады. Ол 1 мамыр күні Германияның Гамбург қаласында венесуэлалық Карлос Риверомен кездеседі.

Карлос Ривероның кәсіби рекорды — 32 жеңіс, 12 жеңіліс және 1 тең нәтиже. Ал Виктор Темиров әзірге жеңіліссіз өнер көрсетіп келеді — 10 жеңіс, 7 нокаут.

Спортшы әлеуметтік желідегі жазбасында алдағы жекпе-жекке дайындалып жатқанын атап өтті.

Темировтың айтуынша, бұл оның соңғы жаттығулары болып, сол күні Германияға аттанады.

Бұл жекпе-жек қазақстандық боксшы үшін ақпан айынан бергі алғашқы кездесу болмақ. Ол сол кезде Доминик Арнольдты мерзімінен бұрын жеңіп, WBF нұсқасы бойынша орта салмақта әлем чемпионы атағын иеленген еді.

Біздің серіктес: Olimpbet қосымшасын пайдалан