World Boxing ұйымы Лос-Анджелес Олимпиадасының іріктеу ережесін жариялады

2028 жылы Лос-Анджелесте өтетін Олимпиада ойындарындағы бокс жарыстарына арналған World Boxing әзірлеген іріктеу жүйесін Халықаралық Олимпиада комитеті (ХОК) мақұлдады, деп хабарлайды Sport12.kz.

Ерлер арасындағы жарыстарда боксшылар жеті салмақ дәрежесінде ұсынылады: 55 келіге дейін (18 квота), 60 келіге дейін (18 квота), 65 келіге дейін (20 квота), 70 келіге дейін (20 квота), 80 келіге дейін (16 квота), 90 келіге дейін (16 квота), 90 келіден жоғары (16 квота). Жалпы орын саны — 124.

Әйелдер арасындағы салмақ дәрежелері де жетеу болады: 51 келіге дейін (18 квота), 54 келіге дейін (18 квота), 57 келіге дейін (20 квота), 60 келіге дейін (18 квота), 65 келіге дейін (18 квота), 70 келіге дейін (16 квота), 75 келіге дейін (16 квота). Жалпы орын саны — 124.

Спортшылар арасындағы квоталарды бөлу 2027 жылғы әлем чемпионатының қорытындысы бойынша рейтингтегі орындары, тиісті құрлықтық іріктеу жарыстарының нәтижелері, сондай-ақ бірінші және екінші Дүниежүзілік іріктеу турнирлерінің (WQT) қорытынды рейтингіндегі орындары негізінде жүзеге асырылады. Сонымен қатар, жарыс қожайыны ел үшін арнайы квоталар және қамтылу деңгейі төмен елдердің өкілдігін қамтамасыз ету үшін универсалды квоталар қарастырылған.

Біздің серіктес: Olimpbet қосымшасын пайдалан