Қазақстандық боксшылардың финалдағы нәтижесі белгілі болды

Ташкентте (Өзбекстан) өтіп жатқан 15 жасқа дейінгі боксшылар арасындағы Азия чемпионатының финалында қазақстандық спортшылар бірнеше жүлде үшін жекпе-жек өткізді.

55 келіге дейінгі салмақта Аруна Шалман финалда өзбекстандық Бахора Махмуджоновамен кездесіп, төрешілердің шешімімен (1:4) жеңіліп, күміс жүлдегер атанды.

61 келіге дейінгі салмақта Айяру Файзуллаева үндістандық Бумикамен алтын үшін жұдырықтасып, алғашқы раундта техникалық нокаутпен жеңіліп қалды.

67 келіге дейінгі салмақта Нұргүл Сахи өзбекстандық Шахона Мулложонованы 4:1 есебімен жеңіп, Азия чемпионы атанды.

Ал 70 келіден жоғары салмақта өнер көрсеткен Көркем Ғалым Өзбекстан өкілі Захро Даниёроваға екінші раундта мерзімінен бұрын есе жіберді.

Айта кетейік, Ташкенттегі Азия чемпионаты U-15 және U-17 жас санаттары бойынша өтуде.

Біздің серіктес: Olimpbet қосымшасын пайдалан