13 сағат бұрын
Бокс федерациясы тағы бір танымал спортшымен толықты
Қанат Байұзақов
Батыр Жүкембаев Алматы облысы бокс федерациясының вице-президенті болып тағайындалды, деп хабарлайды Sport12.kz.
Алматы облысы бокс федерациясының президенті Бекжан Әшірбаев бұл тағайындау жайлы былай деді:
«Біз Алматы облысы бокс федерациясына жаңа вице-президент тағайындап жатырмыз. Елімізге танымал меценат әрі спорт жанашыры, қазіргі таңда кәсіпқой боксшы болып жүрген бауырымыз Батыр Жүкембаевты облысымызға вице-президент етіп тағайындаймыз. Қазір біз боксты ұлттық спорт түрі ретінде дамытып жатырмыз. Батыр — осы жолда үлкен үлес қосып жүрген еліміздің батырларының бірі. Біз бұған өте қуаныштымыз».
Батыр Жүкембаев — бірінші жартылай орта салмақтағы (63,5 келіге дейін) Қазақстан кәсіпқой боксының ең жарқын өкілдерінің бірі. Әр жылдары ол WBA Continental, IBF Inter-Continental, WBC Continental Americas және IBO International секілді беделді ұйымдардың аймақтық және қосалқы чемпиондық белбеулерін жеңіп алған.
Боксшы 6 маусымда Ташкент қаласында Жүкембаев өзбекстандық танымал нокаутшы Шохжахон Эргашевпен жекпе-жек өткізеді.
Біздің серіктес: Olimpbet қосымшасын пайдалан
