WORLD BOXING өкілдері Ұлттық Олимпиадалық комитеті басшыларымен кездесті

WORLD BOXING өкілдерінің Астана қаласына жұмыс сапары аясындағы кезекті кездесу Ұлттық Олимпиадалық комитетінің кеңсесінде өтті, деп хабарлайды Sport12.kz.

ҰОК және WORLD BOXING президенті Геннадий Головкин, Қазақстан бокс федерациясының президенті Шахмұрат Мүтәліп, әлемдік бокс ұйымының бас хатшысы Том Дилен мен бас спорт менеджері Афшин Панджализаде Қазақстандағы бокстың дамуын, маңызды мәселелерін талқылады.

Сонымен қатар, 2027 жылғы лицензиялық әлем чемпионатына дайындық барысы, жоспары егжей-тегжейлі таныстырылды.

Еске салсақ, бұдан бұрын Туризм және спорт министрі Ербол Мырзабосынов Қазақстан бокс федерациясының президенті Шахмұрат Мүтәліппен бірге 2027 жылғы бокстан әлем чемпионатына дайындық барысын инспекциялау мақсатында Астанаға келген World Boxing халықаралық ұйымының өкілдерімен кездесті.

Біздің серіктес: Olimpbet қосымшасын пайдалан