Әлем кубогына қатысатын боксшылар құрамын жарияланды

Қазақстан бокс федерациясы Қытайдың Гуйян қаласында өтетін World Boxing ұйымының Әлем кубогының екінші кезеңіне қатысатын құраманы жариялады.

Ерлер құрамасында Санжар Тәшкенбай, Тимур Қабдешов, Серік Теміржанов, Санатали Төлтаев, Абылайхан Жүсіпов, Тимур Нұрсейітов, Сабыржан Аққалықов, Нұрбек Оралбай және Айбек Оралбай ел намысын қорғайды.

Әйелдер арасында Алуа Балқыбекова, Назым Қызайбай, Виктория Графеева, Аида Әбікеева, Лаура Есенгелді, Наталья Богданова, Валерия Аксенова және Дина Исламбекова сынға түседі.

Әлем кубогының екінші кезеңі 15-21 маусым аралығында Гуйянда өтеді. Халықаралық турнирге әлемнің 44 елінен 333 боксшы қатысады.

Біздің серіктес: Olimpbet қосымшасын пайдалан