Әлем чемпионы Наталья Богданова жарыс жолынан шығып қалды

Қытайдың Гуйян қаласында өтіп жатқан бокстан Әлем кубогінде алғашқы жекпе-жектер басталды. Турнирдің алғашқы күнінде 75 келі салмақта сынға түскен қазақстандық Наталья Богданова жергілікті боксшы Цзяо Баомен қолғап түйістірді.

Тартысты өткен бәсекеде төрешілер шешімімен қытайлық спортшы 4:1 есебімен жеңіске жетті. Осылайша Богданова жарысты алғашқы айналымда аяқтады.

Айта кетейік, бұл Наталья Богданованың жаңа салмақтағы алғашқы жекпе-жегі болды.

Наталья Богданова — 2025 жылғы әлем чемпионы және әлем біріншілігінің қола жүлдегері.

Біздің серіктес: Olimpbet қосымшасын пайдалан