Санатәлі Төлтаев әлем кубогін сенімді жеңіспен бастады

Қазақстандық боксшы Санатәлі Төлтаев Қытайдың Гуйян қаласында өтіп жатқан World Boxing әлем кубогіндегі алғашқы жекпе-жегінде жеңіске жетті.

65 келіге дейінгі салмақ дәрежесіндегі 1/16 финалда ол Әзербайжан өкілі Малик Хасановмен кездесті. Екінші раундта қарсыласының қабағы жарылып, төреші жекпе-жекті тоқтатты. Нәтижесінде жеңіс қазақстандық спортшыға берілді.

Осылайша Санатәлі Төлтаев турнирдің 1/8 финалына жолдама алды. Ал Малик Хасанов жарысты мерзімінен бұрын аяқтады.

Айта кетейік, Төлтаев 2019 жылғы Азия чемпионатының қола жүлдегері және 2025 жылғы Қазақстан чемпионы болып табылады.

Біздің серіктес: Olimpbet қосымшасын пайдалан