Бексұлтан Боранбек Азия чемпионатының жартылай финалына шықты

Қазақстан құрамасының боксшысы Бексұлтан Боранбек Джакартада (Индонезия) өтіп жатқан жастар арасындағы Азия чемпионатының жартылай финалына жолдама алды.

23 жасқа дейінгі спортшылар арасындағы 55 келіге дейінгі салмақ дәрежесінде сынға түскен қазақстандық ширек финалда оңтүстіккореялық Уджу Чонды төрешілердің бірауызды шешімімен 5:0 есебімен айқын жеңді.

Осылайша, Бексұлтан Боранбек кем дегенде қола жүлдені қамтамасыз етті. Ал оның қарсыласы жарысты медальсыз аяқтады.

Айта кетейік, жастар арасындағы Азия чемпионаты Индонезия астанасы Джакартада өтіп жатыр. Дода 16 шілдеге дейін жалғасады.

Біздің серіктес: Olimpbet қосымшасын пайдалан