5 сағат бұрын
Руслан Ахметов Азия чемпионатының жартылай финалына өтті
Қанат Байұзақов
Бокстан Индонезия астанасы Джакартада өтіп жатқан жастар арасындағы Азия чемпионатының жетінші жарыс күні жалғасуда, деп хабарлайды Sport12.kz
U19 санаты бойынша 85 келідегі Руслан Ахметов ширек финалда Қырғызстан спортшысы Нұралы Абдрашитовпен айқасты.
Отандасымыз бұл жекпе-жекте айтарлықтай қарсылыққа тап болмай, барлық раундта өзінің үстемдігін дәлелдеді. Есеп: 5:0.
Айта кетейік, жастар арасындағы Азия чемпионаты World Boxing ұйымының Азиядағы құрылымы – Asian Boxing ұйымының ұйымдастыруымен екінші рет өткізіліп отыр. Алғашқы чемпионат 2025 жылдың тамыз айында Бангкокта өткен болатын. Биылғы дода 4 шілдеде Индонезия астанасы Джакартада басталды. Жарыста U19 және U23 жас санатындағы ұлдар мен қыздар бақ сынауда. Азия чемпионатына барлығы 330-ға жуық спортшы қатысып жатыр.
Біздің серіктес: Olimpbet қосымшасын пайдалан
