3 сағат бұрын
Владислав Саможонов Азия чемпионатында мерзімінен бұрын жеңіске жетті
Қанат Байұзақов
Бокстан Индонезия астанасы Джакартада өтіп жатқан жастар арасындағы Азия чемпионатының жетінші жарыс күні жалғасуда, деп хабарлайды Sport12.kz
U19 санаты бойынша +90 келідегі Владислав Саможонов ширек финалда Үндістан өкілі Ловен Гулиппен кешкі сессияны аяқтады.
Отандасымыз алғашқы раундта-ақ шеберлік жағынан әлдеқайда басымдығын көрсетті. Ал екінші раундта Үндістан боксшысы жарақатына байланысты жекпе-жекті жалғастыра алмады.
Айта кетейік, жастар арасындағы Азия чемпионаты World Boxing ұйымының Азиядағы құрылымы – Asian Boxing ұйымының ұйымдастыруымен екінші рет өткізіліп отыр. Алғашқы чемпионат 2025 жылдың тамыз айында Бангкокта өткен болатын. Биылғы дода 4 шілдеде Индонезия астанасы Джакартада басталды. Жарыста U19 және U23 жас санатындағы ұлдар мен қыздар бақ сынауда. Азия чемпионатына барлығы 330-ға жуық спортшы қатысып жатыр.
Біздің серіктес: Olimpbet қосымшасын пайдалан
