2 сағат бұрын
Аслан Елдібайұлы Азия чемпионатының қола жүлдегері атанды
Қанат Байұзақов
Бокстан Индонезия астанасы Джакартада өтіп жатқан жастар арасындағы Азия чемпионатының сегізінші жарыс күні жалғасуда, деп хабарлайды Sport12.kz
U23 санатындағы +90 келі салмақта өнер көрсеткен Аслан Елдібайұлы жартылай финалда Өзбекстан өкілі Озодбек Алиевпен кездесті.
Екі боксшы да жекпе-жек барысында белсенділік танытып, шабуылдағы соққыларын сәтті пайдаланды. Тең дәрежеде өткен тартысты айқастың тағдыры үшінші раундта шешілді. Нәтижесінде төрешілер 1:4 есебімен жеңісті өзбекстандық спортшыға берді.
Айта кетейік, жастар арасындағы Азия чемпионаты World Boxing ұйымының Азиядағы құрылымы – Asian Boxing ұйымының ұйымдастыруымен екінші рет өткізіліп отыр. Алғашқы чемпионат 2025 жылдың тамыз айында Бангкокта өткен болатын. Биылғы дода 4 шілдеде Индонезия астанасы Джакартада басталды. Жарыста U19 және U23 жас санатындағы ұлдар мен қыздар бақ сынауда. Азия чемпионатына барлығы 330-ға жуық спортшы қатысып жатыр.
Біздің серіктес: Olimpbet қосымшасын пайдалан
