Мадира Жұмақан Азия чемпионатының жартылай финалында жеңілді

Индонезияның Джакарта қаласында өтіп жатқан жастар арасындағы Азия чемпионатында (U-19) қазақстандық боксшы Мадира Жұмақан жартылай финалда жарыс жолын аяқтады.

48 келіге дейінгі салмақ дәрежесінде өнер көрсеткен қазақстандық спортшы Үндістан өкілі Гунжанмен кездесіп, төрешілердің бірауыздан шығарған 0:5 есебімен жеңіліс тапты.

Осы нәтижеден кейін Мадира Жұмақан құрлық біріншілігін қола медальмен аяқтаса, оның қарсыласы финалға жолдама алды.

Айта кетейік, жастар арасындағы Азия чемпионаты 3–16 шілде аралығында U-19 және U-23 жас санаттары бойынша өтіп жатыр. Қазақстан құрамасы бұл жарысқа 39 боксшымен қатысуда.

Біздің серіктес: Olimpbet қосымшасын пайдалан