Александр Усик кәсіпқой бокспен қашан қоштасатынын айтты

Украиналық боксшы Александр Усик кәсіби рингтегі соңғы жекпе-жегін қашан өткізуді жоспарлап отырғанын айтты, деп хабарлайды Sport12.kz

Бұған дейін 39 жастағы Усик мансабындағы соңғы жекпе-жекке дайындалу үшін ауыр салмақтағы WBA, WBC және IBF тұжырымдары бойынша әлем чемпионы белбеулерінен бас тартқан болатын.

— «Соңғы би» деп атаған жекпе-жегіңізді қашан өткізуді жоспарлап отырсыз?

— Биылғы жылдың соңында немесе келесі жылы. Мүмкін, желтоқсан айында.

— «Соңғы би» дедіңіз. Бұл бір ғана жекпе-жек пе, әлде бірнеше кездесу ме?

— «Соңғы би» — бұл соңғы жекпе-жек! Мен Тайсон Фьюри сияқты болмаймын. Оның «соңғы жекпе-жегі» бес рет болды. Ал менде бір ғана соңғы жекпе-жек болады. Жекпе-жектен кейін бокс қолғабымды шешіп, рингте тізерлеп отырып дұға жасаймын және Құдайға әрі жанкүйерлерге алғыс айтамын, — деді Усик Daily Mail басылымына берген сұхбатында.

Александр Усик кәсіби бокста 25 жекпе-жек өткізіп, олардың барлығында жеңіске жеткен.

Біздің серіктес: Olimpbet қосымшасын пайдалан