Допинг дауына байланысты спорттан шеттетілген Жәнібек Әлімханұлы мәлімдеме жасады

Қазақстандық кәсіпқой боксшы Жәнібек Әлімханұлы әлеуметтік желідегі парақшасында жанкүйерлеріне үндеу жасап, рингке қайта оралуды асыға күтетінін айтты.

«Жұдырықтарым жекпе-жекті аңсап тұр. Рингті сағындым. Қарсыластарымды жарқын нокауттармен жеңген сәттерді сағындым. Жанкүйерлердің жаңғырған қошеметін сағындым. Жақында ораламын… және бұл оралу күткенге тұрарлық болады», – деп жазды қазақстандық боксшы.

Айта кетейік, Жәнібек Әлімханұлы 2025 жылдың желтоқсанында допинг дауына байланысты бір жылға дисквалификация алып, IBF чемпионы атағынан айырылған еді.

Сондай-ақ жуырда ол WBO ұйымының орта салмақтағы әлем чемпионы титулынан ресми түрде бас тартып, енді екінші орта салмақта өнер көрсететінін мәлімдеді.

Біздің серіктес: Olimpbet қосымшасын пайдалан