Қазақстандық боксшылар әлем чемпионатындағы сыйақысын алды

Қазақстан құрамасының боксшылары 2025 жылы Дубайда өткен IBA әлем чемпионатындағы нәтижесі үшін уәде етілген ақшалай сыйлықтарын алды.

Қазақстандықтар аталған жарыста алты жүлде жеңіп алған. Оның үшеуі — алтын, біреуі — күміс, екеуі — қола. Осы көрсеткіш Қазақстан құрамасына командалық есепте Ресейден кейінгі екінші орынға жайғасты.

Турнир алдында IBA президенті Умар Кремлев жүлдегерлерге берілетін сыйақы көлемін жариялаған еді. Алтын медаль иегеріне 300 мың доллар, күміс жүлдеге 150 мың доллар, қола жүлдеге 75 мың доллар қарастырылған. Ширек финалға жеткен боксшыларға 10 мың доллардан берілетіні айтылған.

Қазақстан сапынан Сәкен Бибосынов, Абылайхан Жүсіпов және Оразқұл Асылқұлов чемпион атанды. Сабыржан Аққалықов күміс жүлде иеленсе, Теміртас Жүсіпов пен Ертуған Зейнуллинов қола медаль жеңіп алды.

Уәде етілген сыйақы әлем чемпионаты аяқталғаннан кейін бірден түспеген. Бірнеше айдан соң спортшылардың есепшоттарына тиісті қаражат аударылды.

Біздің серіктес: Sport12kz