Данияр Елеусінов АҚШ-та жаттығуға қайта кірісті

Қазақстандық кәсіпқой боксшы Данияр Елеусінов АҚШ-тағы жаттығу жұмыстарын қайта бастады деп хабарлайды Sport12.

Олимпиада чемпионы әлеуметтік желідегі парақшасында жаттығу залынан видео жариялады. Кадрларда боксшының қаппен жұмыс істеп, физикалық бабын қалыпқа келтіріп жатқаны көрінеді.

«Жұмысқа кірістім», – деп жазды Елеусінов.

Данияр Елеусінов кәсіпқой бокстағы соңғы жекпе-жегін 2025 жылғы 19 шілдеде АҚШ-та өткізді. Вашингтонда өткен бокс кешінде ол филиппиндік Джеймс Бэконды екінші раундта техникалық нокаутпен жеңген.

Содан бері қазақстандық боксшы ресми жекпе-жек өткізген жоқ. Қазір Данияр Елеусінов Флорида штатындағы Кендалл қаласында жаттығып жатыр.

Боксшының АҚШ-қа тамыз айының ортасында отбасымен бірге аттанған.

Айта кетейік, Данияр Елеусінов биыл шілдеде Астанада жол-көлік оқиғасына байланысты әкімшілік жауапкершілікке тартылған еді. Боксшы көлікті мас күйінде басқарғаны және жол-көлік оқиғасы болған жерден кеткені үшін 20 тәулікке әкімшілік қамауға алынып, жеті жылға көлік жүргізу құқығынан айырылды.

Біздің серіктес: Sport12kz