Сұлтан Заурбек: «Бір жыл бойы осы күнді күттім»

Қазақстандық боксшы Сұлтан Заурбек австралиялық Джексон Инглендпен өтетін маңызды жекпе-жектің жаңа күнін жариялап, кездесуге дайындығы туралы пікір білдірді, деп хабарлайды Sport12.kz.

Жекпе-жек 26 қыркүйекте Аустралияның Квинсленд қаласында өтеді деп жоспарланған. Бұл кездесудің жеңімпазы екінші жеңіл салмақтағы IBF нұсқасы бойынша әлем чемпионы атағына міндетті үміткер атанады.

Кәсіпқой бокста жеңіліп көрмеген Заурбектің рекорды — 20 жеңіс, оның 13-і нокаутпен. Ал Ингленд 19 жеңіс пен 3 жеңіліске ие.

«Қазақ королі» әлеуметтік желідегі парақшасында жекпе-жектің афишасын жариялап, бір жыл бойы осы кездесуге дайындалып жүргенін айтты.

Жекпе-жектің өтетін күні бұған дейін бірнеше рет өзгерген. Алғашында Заурбек пен Ингленд 27 маусымда, кейін 17 шілдеде жұдырықтасуы керек болған. Алайда кездесу тағы кейінге шегерілген.

Біздің серіктес: Sport12kz