Сұлтан Зауырбек 26 қыркүйекте шаршы алаңға оралады

Қазақстандық боксшы Сұлтан Зауырбек 26 қыркүйекте кәсіпқой рингтегі кезекті жекпе-жегін өткізеді.

Отандасымыз Аустралияның Квинсленд штатындағы Surfers Paradise қаласында жергілікті боксшы Джексон Инглендпен жұдырықтасады.

Бұл жекпе-жектің маңызы жоғары. Жекпк-жектк жеңіске жеткен боксшы IBF нұсқасы бойынша екінші жеңіл салмақтағы әлем чемпионы атағына міндетті үміткер атанады.

Қазіргі таңда IBF рейтингінде Сұлтан Зауырбек үшінші орында тұрса, Джексон Ингленд төртінші сатыда орналасқан.

Сұлтан Зауырбек кәсіпқой бокста 20 жекпе-жек өткізіп, барлығында жеңіске жеткен. Қазақстандық боксшы 13 кездесуді мерзімінен бұрын аяқтаған.

Ал Джексон Ингленд кәсіпқой рингте 19 жеңіске жетіп, үш рет жеңілген.

Осылайша, 26 қыркүйектегі жекпе-жек екі боксшы үшін де IBF титулына жол ашатын маңызды бәсеке болмақ.

Біздің серіктес: Sport12kz