Қазақстандық төрт боксшы Астанада рингке шығады

28 тамызда Астанада IBA Nomad лигасының International Boxing Day турнирі өтеді. Кеште Қазақстанның танымал боксшылары шаршы алаңға шығады.

Турнирдің тікелей трансляциясы Қазақстан уақытымен 18:00-де басталады. Жарысты осы жаңалықтан тікелей эфирде көруге болады.

Кештің басты жекпе-жегінде Санжар Ташкенбай кәсіпқой бокстағы дебютін өткізеді. Ол филиппиндік Нил Хакамоспен (7-1, 1 КО) кездесіп, бірінші ең жеңіл салмақтағы бос тұрған IBF Asia чемпионы атағы үшін жұдырықтасады.

Сондай-ақ Сәкен Бибосынов кәсіпқой бокстағы үшінші жекпе-жегін өткізіп, намибиялық Иммануэль Джозефпен (18-4-1, 7 КО) кездеседі.

Еркебұлан Тоқтар да кәсіпқой бокстағы үшінші жекпе-жегін өткізеді. Оның қарсыласы — өзбекстандық Бобиржон Исроилов (1-0, 1 КО).

Ал Руслан Мадиев ММА қолғаптарымен бокс ережесі бойынша қазақстандық Имран Агаевқа қарсы жекпе-жек өткізеді.

Біздің серіктес: Sport12kz