Сәкен Бибосынов Хасанбой Дусматовпен жекпе-жектен не күтетінін айтты

Боксшы Сәкен Бибосынов өзбекстандық Хасанбой Дусматовпен жекпе-жек өткізу жөнінде пікірін білдірді, деп хабарлайды Sport12.kz.

Спортшы 28 тамызда Астанада өткен IBA Nomad лигасының International Boxing Day турнирінде намибиялық Иммануэль Джозефпен (18-4-1, 7 КО) шеберлік байқасып, жеңіске жетті.

- Бұл сауалды журналистер маған жиі қояды. Мен жекпе-жекпе дайынмын. Кәсіпқой бокс бизнес екені белгілі. Келісімшарт бойынша жақсы ұсыныс болса, мен жекпе-жекке дайын екенімді мәлімдеймін, - деді Сәкен Бибосынов.

Астанадағы жекпе-жек сегіз раундқа есептеліп, төрешілердің бірауыздан шешімімен Бибосыновтың жеңісімен аяқталды.

Осылайша Сәкен Бибосынов кәсіби мансабында үшінші жеңіске жетті. Ал Иммануэль Джозеф бесінші жеңіліске ұшырады.

Біздің серіктес: Sport12kz