Баходир Жалолов Азия ойындарына қатысады — Мурод Кенжабаев

Өзбекстандық спорт блогері Мурод Кенжабаев Баходир Жалоловтың алдағы Азия ойындарына қатысатынын мәлімдеді. Бұл туралы Sport12 Informsport-қа сілтеме жасап хабарлайды.

Бұл мәселе Астанада өткен IBA Nomad бокс кешінің баспасөз мәслихатында көтерілді.

Баспасөз мәслихатында Мурод Кенжабаев IBA басшылығына Ташкентте жоспарланған кезекті бокс кешінің мерзіміне қатысты сұрақ қойды. Оның айтуынша, Өзбекстанның бірқатар боксшысы, соның ішінде Абдумалик Халоков пен Баходир Жалолов Азия ойындарына дайындалып жатыр.

Informsport мәліметіне сәйкес Мурод Кенжабаевтан Баходир Жалоловтың Азия ойындарына қатысатыны туралы ақпаратты нақтылап сұраған. Блогер Олимпиада чемпионының жарысқа қатысатынын жеткізді.

“ Неге Жалоловты қатыспайды деп ойлайсыздар? Қатысады. Қазір дайындық жұмыстары жүріп жатыр”, — деді Мурод Кенжабаев.

Алайда әзірге бұл ақпаратқа қатысты Өзбекстан бокс федерациясы ресми мәлімдеме жасаған жоқ. Сонымен қатар Азия ойындарына қатысатын спортшылардың ресми тізімі де әлі шықпады.

Біздің серіктес: Sport12kz