Әділет Құрметов: «Жерлесіміз үшін есесін қайтарғым келеді»

Қазақстандық боксшы Әділет Құрметов IBA Nomad лигасының Ташкентте өтетін турнирінде тәжікістандық файтер Асрор Акпарходжаевпен жекпе-жек өткізгісі келетінін мәлімдеді, деп хабарлайды Sport12.kz.

Құрметовтің айтуынша, IBA Nomad қазан айында Ташкентте турнир өткізуді жоспарлап отыр. Қазақстандық спортшы Акпарходжаевпен ММА қолғаптарымен жекпе-жек өткізуге дайын екенін жеткізді.

«Мен IBA Nomad қазан айында Ташкентте турнир өткізгісі келетінін естідім. Маған Асрор Акпарходжаевпен жекпе-жек керек. Ол өткен жолы Айдос Жаппарбергеновті нокаутпен жеңді. Жерлесіміз үшін оның есесін қайтарғым келеді. Бұл — таза спорттық қызығушылық. ММА қолғаптарымен қуана жекпе-жек өткіземін. Егер лига ұсыныс жасаса, дайынмын», — деді Құрметов.

Айта кетейік, мамыр айында Әділет Құрметов One Round нокаут-шоуында жеңіл салмақта жеңімпаз атанды. Ол турнир барысында үш жекпе-жегін де мерзімінен бұрын аяқтап, RCC Hard жалаң жұдырықтар лигасымен келісімшартқа ие болды.

12 қыркүйекте Челябіде Құрметов жалаң жұдырықпен өтетін алғашқы жекпе-жегін өткізеді. Оның қарсыласы ресейлік Даниил Школин болады.

Біздің серіктес: Sport12kz