Олимпиада чемпионы бар: Өзбекстан бокстан Азия ойындарына қатысатын құрама тізімін жариялады

Өзбекстанның ерлер құрамасы 2026 жылғы Азия ойындарына қатысатын боксшылар тізімін жариялады.

Құрлықтық дода 19 қыркүйек пен 4 қазан аралығында Жапонияның Айти префектурасы мен Нагоя қаласында өтеді.

Өзбекстан сапында Париж Олимпиадасының чемпионы Абдумалик Халоков та бар.

Құрамадағы боксшылар:

55 кг — Самандар Олимов

60 кг — Абдумалик Халоков

70 кг — Шавкатжон Болтаев

80 кг — Фазлиддин Эркинбоев

90 кг — Турабек Хабибуллаев

+90 кг — Жахонгир Зокиров

Ал әлем чемпионы Жавохир Умматалиев Азия ойындарына қатыспайды. 80 келіге дейінгі салмақтағы өзбек боксшысы 24 қыркүйекте АҚШ-та Queensberry Promotions ұйымдастыратын кәсіпқой бокс кешінде жекпе-жек өткізуді жоспарлап отыр.

Сондықтан оның орнына Азия ойындарында Фазлиддин Эркинбоев өнер көрсетеді.

Сонымен қатар Олимпиада чемпионы Асадхуджа Муйдинхуджаев та Азия ойындарына қатыспайды.

Біздің серіктес: Sport12kz