Төрехан Сабырхан кәсіпқой боксқа қашан ауысатынын айтты

Бокстан Әлем чемпионы Төрехан Сабырхан 2028 жылғы Олимпиада ойындарынан кейін кәсіпқой боксқа ауысуы мүмкін, деп хабарлайды Sport12.kz.

Бұл жайында қазақстандық былғары қолғап шебері журналистке берген сұхбатында айтты.

2025 жылы Төрехан 70 келі салмақта әлем чемпионы атанды. 2026 жылы Азия чемпионатының күміс жүлдегері атанды.

Төрехан Сабырхан 2006 жылы 13 ақпанда Түркістан облысында дүниеге келген.

Бокспен сегіз жасынан бастап айналысады. Оның алғашқы және жалғыз бапкері — Ілияс Оралбеков. Төрехан Сабырхан боксқа ерте жастан бастап, өзінің ағасы әлемнің екі дүркін чемпионы Махмұд Сабырханмен бірге жаттыққан. Алғашқыда жаттығулар мектепте, тарих кабинетінде өткен. Бокстан бөлек, көкпармен де шұғылданып, бірнеше рет аймақтық жарыстарға қатысқан.

Еске салсақ, Жапонияда жалауын көтеретін 2026 жылғы Азия ойындарында бокс турнирінің ойын кестесі белгілі болды. Оған еліміздің ерлер және әйелдер құрамасы қатысады.

Біздің серіктес: Sport12kz