Жәнібек Әлімханұлы әлем чемпионы атағы үшін жекпе-жек өткізеді

Бүкіләлемдік бокс ұйымы (WBO) Қазақстандық Жәнібек Әлімханұлы мен Дания өкілі Якоб Банк арасындағы бос тұрған екінші орта салмақтағы әлем чемпионы атағы үшін жекпе-жекті бекітті, деп хабарлайды Sport12.kz.

WBO президенті Густаво Оливьери әлеуметтік желідегі парақшасында тараптарға келіссөз жүргізу үшін 15 күн берілгенін мәлімдеді.

Егер осы уақыт аралығында боксшылардың өкілдері жекпе-жек өткізу туралы келісімге келе алмаса, промоутерлік сауда тағайындалады.

Жәнібек Әлімханұлының кәсіби рекорды — 17 жеңіс, оның 12-сі нокаутпен. Ал 25 жастағы Якоб Банк 20 жекпе-жектің барлығында жеңіске жетіп, 11 кездесуді нокаутпен аяқтаған.

Айта кетейік, бұған дейін Әлімханұлы WBO нұсқасы бойынша екінші орта салмақтағы сол кездегі әлем чемпионы Хамза Ширазбен жекпе-жек өткізуге келісе алмаған еді. Кейін британдық боксшы «Қазақ стилімен» кездесуден бас тартып, чемпиондық белбеуден бас тартты.

Якоб Банк WBO рейтингінде үшінші орында тұр. Екінші орын алған Диего Пачеко қазір басқа қарсыласпен жекпе-жек өткізу жөнінде келіссөз жүргізіп жатыр.

Біздің серіктес: Sport12kz