Бүгін Қазақстанның үш боксшысы Азиадада шаршы алаңға шығады

26 қыркүйек, сенбі күні Жапонияның Аичи және Нагоя қалаларында өтіп жатқан Азиада-2026 ойындарында Қазақстанның үш боксшысы шаршы алаңға шығады, деп хабарлайды Sport12.kz.

Қазақстан уақытымен сағат 08:00-де 60 келіге дейінгі салмақта Виктория Графеева 1/8 финалда Тайвань өкілі, 2024 жылғы Олимпиада чемпионы әрі екі дүркін әлем чемпионы Линь Юйтинмен кездеседі.

Шамамен сағат 09:00-де 55 келіге дейінгі салмақта Махмұд Сабырхан 1/8 финалда Иран боксшысы Мехди Каземимен жұдырықтасады. Оның басты жетістігі — 2024 жылғы жастар арасындағы әлем чемпионатының қола медалі.

Ал сағат 10:00-де 90 келіге дейінгі салмақта Нұрбек Оралбай 1/8 финалда Ауғанстанның бес дүркін чемпионы Силаб Нуримен кездеседі.

Айта кетейік, Қазақстан құрамасы Азиада-2026 ойындарында әзірге үш боксшысынан айырылды. Оразбек Асылқұлов (60 кг), Сабыржан Аққалықов (80 кг) және Назым Қызайбай (54 кг) жарысты мерзімінен бұрын аяқтады.

Біздің серіктес: Sport12kz