Қазақстандық боксшы Азиададағы жарысын аяқтады

Қазақстандық боксшы Виктория Графеева Жапонияда өтіп жатқан Азиада-2026 ойындарындағы алғашқы жекпе-жегін өткізді, деп хабарлайды Sport12.kz.

60 келіге дейінгі салмақта өнер көрсеткен Графеева 1/8 финалда Тайвань өкілі, Париж-2024 Олимпиадасының чемпионы Линь Юйтинмен кездесті. Жекпе-жек қорытындысы бойынша төрешілердің бөлек шешімімен қытайлық спортшы жеңіске жетті.

Линь Юйтин бұған дейін Халықаралық бокс қауымдастығының (IBA) жарыстарға қатысуына қатысты шешімінен кейін гендерлік даудың ортасында қалған болатын. Кейін World Boxing ұйымы оның әйелдер арасындағы жарыстарға қатысуына рұқсат берді.

Айта кетейік, Графеева мен Линь Юйтин 2026 жылы әлем кубогының финалында да кездескен. Сол жекпе-жекте қазақстандық боксшы қарсыласын нокдаунға түсіріп, жеңіске жеткен еді.

Осылайша, Қазақстан құрамасы Азиада-2026 ойындарында бокстан төртінші спортшысынан айырылды. Бұған дейін Оразбек Асылқұлов (60 кг), Сабыржан Аққалықов (80 кг) және Назым Қызайбай (54 кг) жарысты аяқтаған болатын.

Біздің серіктес: Sport12kz