2 күн бұрын
Махмұд Сабырхан Азиадада ирандық боксшыны жеңді
Қазақстандық боксшы Махмұд Сабырхан Жапонияда өтіп жатқан Азиада-2026 ойындарындағы алғашқы жекпе-жегін өткізді, деп хабарлайды Sport12.kz.
55 келіге дейінгі салмақта өнер көрсететін Сабырхан 1/8 финалда Иран өкілі Мехди Каземимен кездесті. Жекпе-жек қорытындысы бойынша қазақстандық боксшы 5:0 есебімен жеңіске жетті.
Сабырхан кездесудің екінші және үшінші раундтарында қарсыласын екі рет нокдаунға түсірді.
Осылайша, Махмұд Сабырхан Азиада-2026 ойындарында жарысын жалғастырып, медаль үшін күресін жалғастырады.
Айта кетейік, Махмұд Сабырхан — екі дүркін әлем чемпионы және 2026 жылғы Азия чемпионы.
Қазақстанның ерлер құрамасы Азиадаға алты салмақ дәрежесінде қатысып жатыр. Бұған дейін 1/8 финалда Оразбек Асылқұлов (60 кг) пен Сабыржан Аққалықов (80 кг) жарысты аяқтады. Әйелдер арасында Назым Қызайбай (54 кг) мен Виктория Графеева (60 кг) турнирден шығып қалды.
Біздің серіктес: Sport12kz