Айбек Оралбай Азия ойындарындағы алтынын кімге арнайтынын айтты

Бокстан 2026 жылғы Азия ойындарының жеңімпазы Айбек Оралбай әлеуметтік желідегі парақшасында жанкүйерлерге арналған жазба жариялады, деп хабарлайды Sport12.kz.

Бұл жөнінде әлеуметтік желідегі парақшасында жазды.

- Маған 12 жылдан кейін көптен күткен алтын бұйырды. Азия ойындарының төрінде жеңіске жетіп, ел намысын абыроймен қорғау — мен үшін үлкен мәртебе. Осы алтынның артында жылдар бойғы еңбек, төзім мен үлкен мақсат жатыр. Бүгін сол еңбектің жемісін көріп, көк Туымызды биікте желбіреттік. Барша қазақ халқын осы жеңіспен құттықтаймын! Бұл алтын — Қазақ еліне, - деп жазды ол.

Айта кетсек, қазірге дейін ел құрамасынан Қазақстандық боксшылар Азия ойындарында соңғы рет 2014 жылы Инчхонда алтын медаль жеңіп алған. Бұдан кейін Джакартадағы 2018 жылғы және Ханчжоудағы 2023 жылғы Азия ойындарында қазақстандық боксшылар алтын жүлдесіз қалған еді.

Біздің серіктес: Sport12kz