Жәнібек Әлімханұлы «Канелоны» жекпе-жекке шақырды

Қазақстандық боксшы Жәнібек Әлімханұлы Сауль «Канело» Альвареске кезекті рет жекпе-жекке шығуды ұсынды.

«Qazaq Style» әлеуметтік желідегі парақшасында мексикалық боксшыға үндеу жасап, мамыр айында чемпиондық белбеулерді біріктіруге шақырды.

«Менің мексикалық жанкүйерлерім өте көп. Мен Мексиканы жақсы көремін. Жақында екеумізде де чемпиондық белбеулер болады. Кел, мамыр айында титулдарымызды біріктірейік. Өзің дайын болған кезді айт, ал мен әрдайым дайынмын», – деп жазды Әлімханұлы.

Айта кетейік, қазақстандық боксшының жекпе-жек өткізуіне 2026 жылдың желтоқсанына дейін тыйым салынған. Оның допинг-сынамасынан мельдоний анықталғаннан кейін спортшы уақытша шеттетілген.

Әлімханұлының келесі қарсыласы да әзірге белгісіз. WBO ұйымы қазақстандық боксшыға бос тұрған чемпиондық белбеу үшін Даниялық Якоб Банкпен (20-0) келіссөз жүргізуді міндеттеген.

Ал «Канело» 31 қазанда Эр-Риядта WBC чемпионы Кристиан Мбиллимен (29-0-1) жұдырықтасады.

Жәнібек Әлімханұлы орта салмақта өнер көрсетіп жүр. Ал «Канеломен» кездесу өткізу үшін ол екінші орта салмаққа, яғни 76,2 келіге дейін көтерілуді жоспарлап отыр.

Біздің серіктес: Sport12kz