Бұрынғы WBA чемпионының келесі жекпе-жегі жарияланды

Бұрынғы WBA чемпионы Исраил Мадримовтың келесі жекпе-жегі ресми түрде жарияланды, деп хабарлайды Sport12.kz.

Өзбекстандық боксшы 30 қазанда Ташкенттегі «Хумо Аренада» әзербайжандық Сеймур Исаевпен кездеседі.

Мадримов 2024 жылдың наурызында Магомед Курбановты бесінші раундта техникалық нокаутпен жеңіп, бірінші орта салмақтағы WBA әлем чемпионы атанған. Кейін ол Теренс Кроуфорд және Вёрджил Ортиспен жекпе-жек өткізді.

2026 жылдың қаңтарында рингке қайта оралған Мадримов Луис Давид Салазарды төрешілер шешімімен жеңді.

Ал оның қарсыласы Сеймур Исаев кәсіпқой бокста нокауттарымен танымал. Әзербайжандық боксшы бұған дейін UBO нұсқасы бойынша әлем чемпионы атанған.

Мадримов әуесқойлар арасында да жоғары жетістіктерге қол жеткізген. Ол 2018 жылғы Азия ойындарының чемпионы, 2017 жылғы Азия чемпионы және 2014 жылғы Азия ойындарының күміс жүлдегері атанды. Сонымен қатар кәсіпқой бокста WBA Inter-Continental және IBF Inter-Continental белбеулерін иеленген.

Біздің серіктес: Sport12kz