Санатали Төлтаев кәсіпқой бокстағы келесі жекпе-жегін өткізеді

Қазақстандық кәсіпқой боксшы Санатали Төлтаевтың келесі жекпе-жектегі қарсыласы белгілі болды, деп хабарлайды Sport12.kz.

Қазақстандық боксшы 31 қазанда Ақтөбеде өтетін бокс кешінде Ресей атынан өнер көрсететін армян Петрос Ананянмен кездеседі. Жекпе-жек бірінші жартылай орта салмақта сегіз раундқа жоспарланған.

Санатали Төлтаевтың кәсіпқой бокстағы рекорды — 4 жеңіс, 1 жеңіліс және 2 нокаут. Ол соңғы жекпе-жегін өткен жылдың тамызында Эр-Риядта өткізіп, украиналық Данило Лозанудан жеңілген.

Ал Петрос Ананян кәсіпқой бокста 18 жеңіс, 4 жеңіліс және 2 тең нәтиже тіркеген. Оның 9 жеңісі нокаутпен аяқталған. Боксшы соңғы кездесуін 29 тамызда Белградта өткізіп, сербиялық Алексей Шендрикке мерзімінен бұрын есе жіберді.

Осылайша, Санатали Төлтаев ұзақ үзілістен кейін 31 қазанда Ақтөбедегі жекпе-жекте шаршы алаңға қайта оралады.

Біздің серіктес: Sport12kz