Қазақстан бокс федерациясында Бақыт Сәрсекбаевке қатысты дау туындады

Қазақстан бокс федерациясында жастар құрамасының бас бапкері Бақыт Сәрсекбаевке қатысты жанжал өршіді. Ұйым өкілі Мырза Еркінбек маманның жұмысына сын айтып, оның командаға тигізетін пайдасынан зияны көп екенін мәлімдеді, деп хабарлайды Sport12.kz.

Дау Қазақстан боксшыларының Жапонияда өткен Азиададағы өнеріне қатысты пікірталастан кейін туындады. Мырза Еркінбек әлеуметтік желідегі жазбасында Бақыт Сәрсекбаев пен Айдар Шәрібаевты атап, сын айтушыларға қарата арандатушылық сипаттағы пікір қалдырған.

Жазбаға пікір білдірген қолданушылардың бірі федерация өкілін өзара қолдаудың жоқтығы үшін сынға алды.

«Сәрсекбаев қазір жастармен жұмыс істеп жүр, федерацияның атынан қатысып отыр. Ал өзіңіз қайдасыз? Бірлік жоқ па? Өзара құрмет пен түсіністік қайда? Ұят қой», — деп жазды ол.

Бұған жауап ретінде Мырза Еркінбек жастар құрамасының бас бапкеріне қатысты қатаң мәлімдеме жасады.

«Біз бұл адамды жастар құрамасына тағайындаған жоқпыз. Оның пайдасынан зияны көп. Сіздер онда не болып жатқанын да білмейсіздер. Мен шындықтың бәрін білемін, жақында естисіздер», — деді федерация өкілі.

Айта кетейік, Бақыт Сәрсекбаев қазір Қазақстанның жастар құрамасын жаттықтырып жүр. Ол шәкірттерін 16 қазанда Черногорияның Будва қаласында басталатын әлем чемпионатына дайындап жатыр.

Біздің серіктес: Sport12kz