Нұрбек Оралбай жоқ: Бокстан ел біріншілігі қайда өтетіні белгілі болды

Бокстан Қазақстан чемпионаты 30 қазан мен 6 қараша аралығында Тараз қаласында өтеді. Ел біріншілігінің жарыс кестесін Қазақстан бокс федерациясы жариялады.

29 қазанда жеребе тарту рәсімі өтеді. Ал 30 қазан мен 1 қараша аралығында алдын ала жекпе-жектер ұйымдастырылады. Ширек финалдық кездесулер 2-3 қарашаға, жартылай финал 4-5 қарашаға жоспарланған.

Чемпионаттың финалдық жекпе-жектері 6 қарашада өтіп, ел біріншілігінің үздіктері анықталады.

Айта кетейік, бұған 90 келіде Нұрбек Оралбай Азия ойындарында жарақат алып, сол себепті Қазақстан чемпионатына қатыспайтыны белгілі болған еді.

Біздің серіктес: Sport12kz