Саматәлі Төлтаев бұрынғы әлем чемпионымен чемпиондық белбеуге таласады

Кәсіпқой боксшы Саматәлі Төлтаевтың келесі қарсыласы анықталды. Қазақстандық былғары қолғап шебері 31 қазанда Ақтөбеде панамалық Хесреэль Корралеспен қолғап түйістіреді.

Бұл туралы Irfin Promotions промоутерлік компаниясы хабарлады.

Алдағы жекпе-жекте IBF Pan-Pacific чемпиондық титулы сарапқа салынады. Корралес WBA нұсқасы бойынша бұрынғы әлем чемпионы.

Саматәлі Төлтаев кәсіпқой рингте сегіз жекпе-жек өткізіп, барлығында жеңіске жеткен. Оның төртеуі нокаутпен аяқталды. Ал Корралес мансабында 27 рет жеңіске жетіп, сегіз мәрте ұтылған. Бұған қоса 10 рет нокаут тіркеген.

Төлтаев соңғы жекпе-жегін шілдеде өткізіп, филиппиндік Гэри Тамайоны төрешілердің бірауыздан қабылдаған шешімімен жеңді. Ал Корралес биыл ақпанда мексикалық Педро Пенунури Боргаронадан басым түсті.

Біздің серіктес: Sport12kz