Әлем чемпионы атанған атақты боксшы өмірден өтті

Аргентиналық әйгілі боксшы, орта салмақта WBA тұжырымы бойынша бұрынғы әлем чемпионы Хорхе Кастро 59 жасында қайтыс болды. Ол 14 қазанда Аргентинаның Морон қаласында көз жұмды.

Жергілікті ақпарат құралдарының хабарлауынша, Кастро қызымен бірге бинго орталығында болған кезде кеудесі ауырып, кенеттен жағдайы нашарлаған. Дәрігерлер көмек көрсетуге тырысқанымен, боксшыны аман алып қалу мүмкін болмады.

Хорхе Кастро 1967 жылғы 18 тамызда Аргентинаның Калета-Оливия қаласында дүниеге келген. Кәсіпқой бокста 20 жыл өнер көрсетіп, 144 жекпе-жек өткізген. Оның 130-ында жеңіске жетіп, 90 қарсыласын нокаутпен ұтқан. Сондай-ақ 11 рет жеңіліп, үш кездесуін тең аяқтаған.

Кастро 1994 жылы америкалық Реджи Джонсонды жеңіп, WBA тұжырымы бойынша әлем чемпионы атанды. Сол жылдың желтоқсанында ол америкалық Джон Дэвид Джексонмен кездесіп, тоғызыншы раундта қарсыласын нокаутқа түсірді. Бұл жекпе-жекті The Ring журналы 1994 жылдың үздік айқасы деп таныды.

Біздің серіктес: Sport12kz